Энэ стандарт аргачлал нь зөвхөн радарын долгион нэвтрүүлэх /Ground Penetrating Radar (GPR)/ аргаар газрын хөрсөнд судалгаа хийх тоног төхөөрөмж, туршилт явуулах дараалал болон үр дүнг гаргахад хамаарна. GPR арга нь газрын хөрсний судалгаанд ихээхэн дэлгэрсэн бөгөөд өндөр давтамжтай /10-аас 3000 МГц/ цахилгаан соронзон долгион ашиглаж туршилтыг явуулдаг байна. Өндөр давтамжийн цахилгаан соронзон долгион /ӨДЦСД/-ыг газрын хөрсөнд нэвтрүүлж, түүний өөрчлөлтийг мэдрэгчээр хүлээн авснаар хөрсөн дэх чулуулаг, ус чийг болон нягтралын тухай мэдээлэл авдаг. Энэхүү мэдээллийг боловсруулахад төрөл бүрийн материалын цахилгаан соронзон нэвтрүүлэх чадвар, дамжуулах чадвар, соронзон шингээх чадвар зэрэг өгөгдөл ашиглана. Мэдрэгч төхөөрөмж нь газрын хөрсөн дээр, эсвэл цооногт байрлуулсан антенн байна. Үүсгүүр буюу ӨДЦСД цацруулагч антеннаас долгион цацарч газрын хөрсөнд нэвтрэхдээ тухайн хөрсний онцлог болон өөрчлөлтийн хил хязгаарыг тодорхойлж болохуйцаар давтамж нь ялгарч тодорсныг хүлээн авагч буюу мэдрэгч антеннаар тодорхой цагийн үечлэлтэйгээр уншина. GPR өгөгдлөөр ӨДЦСД-ын тархалтын чиглэл, давтамжийг тодорхойлж чадвал газрын хөрсний доорх хатуу гадаргуу хүртэлх зайг долгион буцаж ойж ирэх хугацааны тусламжтайгаар тодорхойлох боломжтой.
| Төрөл | Дүрэм, журам, аргачлал, жишиг цомог |
| Төлөв | Хүчинтэй |
| Үндэсний стандарт | MNS ASTM |
Сэтгэгдэл байхгүй
Санал хүсэлт байхгүй